Ош шаарынын мэри Таалайбек Сарыбашев баш болгон бийлик өкүлдөрү, жергиликтүү кеңештин депутаттары жана жарандык коом өкүлдөрү мамлекеттик жана коомдук ишмерлердин айкелдерине гүл коюшту. Алардын мамлекетке, элге сиңирген эмгектери эскерилди.
Салтанаттуу иш-чара Ош шаарынын борбордук аянтында уланды. Түрдүү оюн-зооктор көрсөтүлүп, кыргыз тарыхында из калтырган чыгаан инсандардын кылган эмгектерин чагылдырган көрүнүштөр элге тартууланды.
Ушул тапта шаардын ар кайсы аймактарында Эгемендик майрамына арналган иш-чаралар өткөрүлүүдө.
Кыргызстандын өз алдынчалыгынын 27 жылдыгына арналган майрамдык салтанат кечинде кайрадан борбордук аянтта эстрада жылдыздарынын коштоосундагы гала-концерт менен жыйынтыкталат. (MdN)
