Үчүнчү Дүйнөлүк көчмөндөр оюнунун салтанаттуу ачылышы 2-сентябрда кечки саат 8де башталат. Бул тууралуу Туризм департаментинин жетекчиси Азамат Капаров маалымдады.
Чолпон-Ата шаарында өтө турган салтанатта коопсуздукту камсыз кылуу үчүн милиция кызматкерлери иштеп жатат. Театрлаштырылган оюн-зоокторду коюу үчүн миңден ашык өнөрпоз тартылган.
Кыргызстанда биринчи жана экинчи Көчмөндөр оюндары 2014-жылы жана 2016-жылы Ысык-Көлдөгү Кырчын жайлоосунда өткөн. Анда негизинен ат оюндары, жаа атуу, куш салуу боюнча мелдештер өтүп, дүйнөнүн 40тай өлкөсүнөн келген спортчулар катышкан. (TSh)