Линктер

ЧУКУЛ КАБАР!
8-Март, 2021 дүйшөмбү, Бишкек убактысы 17:13

Орусияда рублдин долларга карата алмашуу курсу 70ке чыкты


Орусиянын валюта базарында доллар менен катар евронун да наркы өстү.

10-сентябрда эртең менен Орусиянын валюта базарындагы соодада рубль дагы алсырап, 2016-жылдын март айынан бери алгач ирет бир доллардын сатыктагы курсу 70,16 рублге чейин чыкты. Бул Орусиянын улуттук акчасы быйылкы жылы 19% нарксызданганын билдирет.

Түштөн кийин рублдин алмашуу курсу бир аз оңолуп, бир доллардын сатыктагы баасы 70тен бир аз ылдыйлады.

Рублдин куну качышына таасир берген тышкы факторлордун бири катары АКШнын экономикалык санкциялары аталууда.

2014-жылы Крым жарым аралы аннексияланып, Москва Украина чыгышында куралдуу жикчилдерди колдой баштагандан бери АКШ жана Евробиримдик Орусияга каршы бир нече айлампа менен санкция киргизген.

Акыркы ирет АКШнын Мамлекеттик департаменти Москва Британияда мурдагы тыңчы Сергей Скрипалды жана анын кызын “Новичок” химиялык заты менен ууландырганы үчүн быйыл 8-августта жаңы экономикалык санкцияларды жарыялаган. Анда Орусия эгер быйыл ноябрь айына карата алдыда химиялык куралды колдонбой турганына “ишенимдүү кепилдик” бербесе, санкциялардын экинчи баскычы күчкө кирери да айтылган.

Расмий Москва Скрипалдарды ууландырууга алардын катышы бар деген айыптоолорду такай четке кагып келген. Бирок өткөн аптада британ өкмөтү алар Орусиянын башкы аскерий чалгын кызматы – ГРУнун ошол ууландыруу операциясын ишке ашырды деп санаган эки офицеринин ысымдарын жарыялады. (UE)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG