Линктер

ЧУКУЛ КАБАР!
5-Март, 2021 жума, Бишкек убактысы 10:18

Кыргызстан паспорт рейтингинде 64-орунду алды


Кыргызстандын жалпы жарандык паспорту.

Дүйнө өлкөлөрүнүн паспортторунун жаңы рейтингин - “глобалдык паспорт индексин” 10-сентябрда "Arton Capital" компаниясы жарыялады.

Тизмеде дүйнө өлкөлөрү паспортунун кубаты боюнча 83 топко бөлүнүп, Кыргызстан 64-топко кошулган. Учурда Кыргызстандын жарандары 27 мамлекетке визасыз каттай алса, 39 өлкөдөн визаны барганда ала алат, ал эми 132 мамлекет үчүн күн мурунтан виза алуу талап кылынат.

64-топто Кыргызстан менен кошо Индия, Марокко, Зимбабве, Гана бар.

Борбор Азия аймагынан Казакстандын паспортунун рейтинги Кыргызстандан жогору, ал 53-орунга жайгаштырылган. Өзбекстан, Тажикстан, Түркмөнстандын паспортунун рейтингдери төмөн. Өзбекстан 66, Тажикстан 67, Түркмөнстан 71-топко кошулган.

Ал эми дүйнөдө паспорту эң кубаттуу өлкө деп Сингапур таанылды. Анын жарандары 127 мамлекетке визасыз каттаса, 39 мамлекеттин визасын барып эле ала алышат. Паспорту эң кубаттуу он өлкөнүн арасында Германия, Дания, Швеция, Финляндия, Люксембург, Норвегия, Нидерланд, Түштүк Корея жана АКШ бар.

Паспорту эң алсыз өлкө - Ооганстан. Анын жарандары беш эле мамлекетке визасыз каттайт, 25 мамлекеттин визасын барганда ала алышат.

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG