Бишкектеги Фучик эс алуу багында "Purify Bishkek" аттуу скульптуралык композиция орнотулат. Кыргызча мааниси "Бишкекти тазалоо" дегенди түшүндүрөт. Аны жаштарды өнүктүрүү институту "Жаш лидерлер мектеби" долбоорунун алкагында уюштурууда. 12-сентябрда орнотулчу арт-объект мурда колдонулган заттардан жасалган.
Аталган институттан кабарлашкандай, долбоор катышуучулары шаарды көркүнө чыгаруу максатында бир канча арт-объектилерди орнотушкан. Бирок адамдар аяр мамиле жасабагандыктан, жараксыз абалга келүүдө.
Жаңы скульптура жапониялык аниматор Хаяо Миядзакинин мультфильминин негизинде жасалган. Анын ачылышынын алкагында журналисттерге пресс-тур уюштурулуп, мурда орнотулган эмгектердин абалы да тааныштырылат. (SE)
