Линктер

жума, 21-сентябрь, 2018 Бишкек убактысы 13:44

Чубак Жалилов: мектепте кыз-балдарды бөлүп окутууну талап кылган жокмун


Чубак ажы Жалилов.

Мурдагы муфтий, Аалымдар кеңешинин мүчөсү Чубак Жалилов "Азаттыкка" кайрылып, мектептерде кыз-балдарды бөлүп окутуу тууралуу айтканы туура эмес талданып жатканын билдирди:

- Ал жерде медресе жана диний билим жөнүндө эмес, мектептердеги билим тууралуу сөз болгон. Мен бөлүп окутуу тууралуу талап кылып, чакырык таштаган жокмун. Кыргызстанда кыз-балдарды өз алдынча окуткан ыкманы азыр "Сапат" мектептери колдонуп жатканын айтып, илгерки "Кыз-келиндер" институтун мисал келтиргем.

Булан институту (Bulan Institute for Peace Innovations) 28-августта “Балдардын мектепте билим алуу укугун камсыздоодогу кырдаал: жаңы чакырыктар” деп аталган талкуу уюштурган. Ага Билим берүү жана илим, Ички иштер министрликтеринин, Дин иштери боюнча мамлекеттик комиссиянын, Кыргызстан Мусулмандар дин башкармалыгынын (муфтият), Аалымдар кеңешинин, бейөкмөт уюмдардын өкүлдөрү, мектеп жана жогорку окуу жайлардын мугалимдери, эксперттер катышкан.

Анда балдардын мектепке барбай калышына жакырчылык, миграция, жумушсуздук себеп болуп жатканы айтылып, диний ишенимден улам окуу укугунан ажыраган учурлар да талкууланган.

Чубак ажы Жалиловдун мектептерде балдар-кыздарды бөлүп окутуу тууралуу пикири коомдо ар кандай талкууларды жараткан.

Жалилов бул жыйында салттуу ислам билим алууну четке какпай турганын, эркекпи-аялбы, баары билим алууга милдеттүү экенин да билдирген. (NT)

Сиздин пикир

пикирлерди көрсөт

Сунуш кылынган арга.

XS
SM
MD
LG