Бишкек-Торугарт жолунда жүк ташыган унаа жолдо бараткан 97 койду тебелеп өлтүрдү.
Нарын облустук Жол коопсуздугун камсыз кылуу башкармалыгынан "Азаттык" радиосуна билдиришкендей, окуя 15-сентябрда түнкү саат эки жарымда болгон. Кытай тараптан жол тарткан фуранын айдоочулары койлорду көрбөй калышкан. Ал кезде чабандар Арпа жайлоосунан Кара-Суу айылын көздөй кой айдап келаткан. Чабандар милицияга арыз жазышты.
Жол коопсуздугун камсыз кылуу башкармалыгы чабандар менен сүйлөшүп, жолго чыкканда жарык берчү каражаттарды колдонууну сунуш кылышты.