Линктер

ЧУКУЛ КАБАР!
25-Февраль, 2021 бейшемби, Бишкек убактысы 12:17

Кумтөрдө алтын өндүрүүнүн көлөмү азайды


Жолугушуу Өкмөт үйүндө өттү.

Быйылкы жылдын экинчи кварталында Кумтөрдө алтын өндүрүү пландаштырылган көлөмдөн 16 % аз болду. Бул тууралуу биринчи вице-премьер-министр Кубатбек Боронов «Кумтөр Голд Компанинин» президенти Дэниел Дежарден менен жолугушканда айтты.

Өкмөт үйүндө өткөн жолугушууда Кумтөр кенинин жылдын соңуна чейинки пландык жана өндүрүштүк көрсөткүчтөрү талкуулады.

Боронов белгилегендей, 2017-жылы Кумтөрдө 17,5 тонна алтын өндүрүлгөн, ал эми быйылкыга 15 тоннадай пландаштырылган.

«2018-жылдын аягына карай 2017-жылга салыштырмалуу 2,5 тоннага жакын айырмачылык түзүлөт. Бул Кумтөр кенинин, ошондой эле мамлекеттик бюджеттин финансы-экономикалык абалына өз таасирин тийгизет. Буга катар 2018-жылдын экинчи кварталында пландаштырылган көлөмдөн 16 %га аз алтын өндүрүлгөн» деп кошумчалады Боронов.

Өз кезегинде Дэниел Дежарден кен казуу пландаштырылган убактысына карата эки ай алдыга аткарылганын билдирди.

«Бул алтын казуу фабрикасында алтын өндүрүүнүн пландык көрсөткүчтөрүн үчүнчү жана төртүнчү кварталда көбөйтүүнү шарттайт. 2018-жылга карата «Кумтөр Голд Компани» 14,9 тонна алтын өндүрүү пландаштырган. Бирок 2018-жылдын жыйынтыгы боюнча алтын өндүрүү мерчемделгенден жогору болот» деп билдирди ал.

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG