Кыргыз мамлекетинин башчысы Сооронбай Жээнбеков Орусиянын президенти Владимир Путин менен жолугуп, эки тараптуу кызматташтыкты талкуулайт. Президенттик аппараттын тышкы саясат бөлүмүнүн башчысы Данияр Сыдыков бүгүн «Кабар» маалымат агенттигинде өткөн пресс-конференцияда билдиргенине караганда, 27-28-сентябрда Жээнбеков Тажикстандын борбор шаары Душанбеге барат. Ал жакта КМШ мамлекеттеринин башчыларынын саммити өтөт.
Саммит алкагында кыргыз жана орус президенттеринин жолугушуусу пландалууда. (RK)