Линктер

ЧУКУЛ КАБАР!
2-Март, 2021 шейшемби, Бишкек убактысы 10:38

Индия Пакистан менен сүйлөшүүдөн баш тартты


Кашмирдеги кагылыштан бир көрүнүш. 25-май, 2018-жыл.

Индия менен Пакистандын тышкы иштер министрлеринин жолугушуусу болбой калды. Буга талаштуу Кашмир аймагында индиялык үч полициячынын өлгөнү себеп катары көрсөтүлөт.

"Биздин коопсуздук кызматкерлерибиздин Пакистандагы топ тарабынан мыкаачылык менен өлтүрүлүшү жана 20 почта маркасын басып чыгарып, терроризмди урматташы Пакистан ошол жолоюнан кайтпасын ырастайт", – деди Индиянын тышкы иштер министринин расмий өкүлү Равеш Кумар.

Аз күн мурда Пакистан 2016-жылы индиялыктардын колунан ажал тапкан «Хизбул Мужахидин» тобунун командири Бурхан Ванинин урматына 20 почта маркасын чыгарган. Кумар ушуну айтып жатат.

Министрлердин жолушуусун Нью-Йоркто өткөрүү сунушу менен Пакистандын жаңы премьер-министри Имран Хан индиялык кесиптеши Нарендра Модиге кайрылган. Бул кадамын ал "көп жылдык туңгуюктан чыгуу аргасы" деп баалаган.

Индия менен Пакистан Кашмирди талашып 1947-жылдан бери жаңжалдашып келет.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG