Жогорку Соттун төрайымы болуп Гүлбара Калиева шайланды. Бул тууралуу жыйынга катышкан "Азаттыктын" кабарчысы маалымдады.
Гүлбара Калиева 2015-жылдын сентябрь айынан баштап Жогорку Соттун судьясы болуп иштейт. Ал 1981-жылы Жданов атындагы Ленинград мамлекеттик университетин аяктаган.
Жогорку Соттун мурдагы төрайымы Айнаш Токбаева мыйзамга ылайык, үч жылдык мөөнөтү аяктаганына байланыштуу кызматынан 21-сентябрда кеткен. Ал 2015-жылдын 22-сентябрында шайланган.
Айнаш Токбаева мурдараак жыйынтыктоочу маалымат жыйын өткөрүп жатып, жакында эле жүргүзүлгөн сурамжылоого ылайык суралгандардын 73% сотторго ишенет деген жыйынтыкты көргөзгөнүн айткан. (ErN/KR)
