Линктер

ЧУКУЛ КАБАР!
28-Февраль, 2021 жекшемби, Бишкек убактысы 06:57

Чемпион Төрөкан Багынбай уулун жакындары Ош шаарынан тосуп алды


Жиу-житсу боюнча Азия Оюндарынын чемпиону чемпиону Төрөкан Багынбай уулун жакындары салтанаттуу тосуп алышты.

Индонезияда өткөн Жайкы Азия оюндарында жиу-житсу боюнча алтын байгенин ээси болгон Төрөкан Багынбай уулун Ош Эл Аралык аэропортунан тосуп алышты. Жергиликтүү бийлик өкүлдөрү, спортчунун ата-энеси, жакындары, шаар жаштары жана спорт сүйүүчүлөр спортчуну аскердик оркестрдин коштоосунда салтанаттуу тосуп алышты.

Төрөкан Багынбай уулу
Төрөкан Багынбай уулу

- Өлкөбүздүн, сүйүктүү шаарыбыздын намысын чет өлкөдө коргоо мен үчүн сыймык. Бизди ушундай мелдештерге жиберип, жетишкендиктерде колдогон, ата-энелерибизге, Ош шаарынын мэриясына, шаардык дене тарбия жана спорт комитетине, машыктыруучуларыбызга чоң рахмат, - деди чемпион.

Индонезияда өткөн Жайкы Азия оюндарында жиу-житсу боюнча балбан татамиде 69 килограмм салмакта күч сынашкан. Ал 1/16 кармашта ирандык, квалификациялык кармашта казакстандык, чейрек финалда түркмөнстандык, жарым финалда таиланддык спортчуларды уткан. Финалда Бириккен Араб эмирлигинен келген Алкирби Талибди 2:0 упай эсебинде жеңип, Азия оюндарынын чемпиону аталды.

(солдон оңго) Акжол Махмудов менен Төрөкан Багынбай уулу
(солдон оңго) Акжол Махмудов менен Төрөкан Багынбай уулу

​Ош шаарынын мэри Таалайбек Сарыбашов эл аралык мелдештерде байге алган спортчуларды бүгүн кабыл алып, грек-рим күрөшү боюнча жаштар арасындагы дүйнө чемпионатында коло байге алган Акжол Махмудовго 50 миң сом, Төрөкан Багынбай уулуна 100 миң сом сыйлык тапшырды. (MdN)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG