Республикалык бюджетте жаңы берене пайда болду. Ал «Аймактарды өнүктүрүү» деп аталат. Бул тууралуу премьер-министр Мухаммедкалый Абылгазиев шаршемби күнү өкмөттүн жыйынында билдирди.
Анын айтымында, 2019-жылга карата бюджеттин долбоорунда пайда болгон жаңы беренеге 1 млрд сом бөлүндү.
«Албетте, бул каражат жетишсиз. Ошондуктан биз бул сумманы 2 млрд сомго дейре жогорулатууну сунуштайбыз, анткени, аймактардагы тургундардын жашоосун жакшыртуу, жаңы жумушчу орундарды түзүү маселеси – биздин эң негизги милдеттерибиздин бири», - деди өкмөт башчы.
Өкмөттүн жыйынында келерки жылдын бюджети талкууланды. Быйыл сегиз айда ички дүң өнүм 310 млрд сомду түзгөнү айтылды. (RK)