Токтогул районундагы 22 чакырым “Үч-Терек-Өзгөрүш” линиясындагы электр зымы алмаштырылып жатат.
“Жалалабатэлектро” ишканасынын басма сөз кызматы билдиргендей, Ас 50 зымы АС 90 кубаттуулугундагы жаңысына ооштурулат.
Аталган линия 1969-жылы курулуп, күз-кыш айларында авариялык абалга себеп болуп келген. Учурда иштин дээрлик 70% аяктап калды.
Жумуш аяктаса, Үч-Терек, Кызыл-Ураан, Жетиген, Өзгөрүш айылдарындагы 4474 үй-бүлө үзгүлтүксүз электр энергиясы менен камсыз болот.
Электр зымдарын оңдоого Токтогул, Исбаскент, Ала-Бука райондук электр тармактарынын жана “Жалалабадэлектро” ишканасынын адистери тартылган. (RsK)