Бүгүн, 5-октябрда Ош шаарынын күнү белгиленет. Өлкөнүн экинчи борборунун 3018 жылдыгына карата “Сулайман-Тоо - тынчтыктын жана ынтымактын символу” аттуу фестиваль, эл аралык жаштар форуму өтөт.
Борбордук аянтта сүрөт көргөзмөсү уюштурулат. “Ош - ооматтуу ордо калаа” жана “Билим жана чыгармачылык” жармаңкелери уюштурулуп, майрам эстрада ырчыларынын концерти менен коштолот. Майрамдык салтанатка байланыштуу шаардын айрым көчөлөрү убактылуу жабылат.
Ош шаарынын күнү 2000-жылдан бери белгиленип келет. (КЕ)
