Линктер

ЧУКУЛ КАБАР!
27-Февраль, 2021 ишемби, Бишкек убактысы 13:37

Саудиялык журналист консулдуктун имаратында өлтүрүлгөнү кабарланууда


Жамал Хашогги

Журналист Жамал Хашогги Стамбулдагы Саудиянын башкы консулдугунда өлтүрүлдү деген кабар териштирилип жатат. Бардык камералардагы жазуулар, аэропорттордогу кирип-чыккандар текшерилип жатканын түрк президенти Режеп Тайып Эрдоган билдирди.

Ал эми "New York Times" гезити түрк полициясы консулдуктун тегерегиндеги бардык камераларды текшерип, Хашогги өз алдынча дипмиссия имаратынан чыгып кеткен эмес деген тыянакка келгенин жазууда. Ошол эле маалда консулдукка тиешелүү унаалар кирип-чыгып турган.

7-октябрда "Рейтер" агенттиги журналист Стамбулдагы Сауд Арабиянын консулдугунда өлтүрүлгөнүн, сөөгү тымызын чыгарылып кеткенин түркиялык булактарына таянып жарыялаган.

Жамал Хашогги үйлөнө турган болуп, 2-октябрда Стамбулдагы консулдукка тиешелүү документтерди алганы кирген экен. Келинчеги сыртта калып, он сааттан ашуун күткөнүн, Хашоги чыкпаганын айтууда.

Консулдуктагылар "журналист аз убакыт кеңседе болуп, кайра кеткен" деп жатышат.

Хашогги Сауд Арабия бийлигине карата сын макалалары менен белгилүү болчу. Өмүрүнө коркунуч бар экенин билдирип өткөн жылы мекенинен чыгып кеткен.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG