Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 05:11

Тайырбек Сарпашевдин аты аталган кылмыш иши жандандырылды


Тайырбек Сарпашев.

Башкы прокуратура Мамлекеттик каттоо кызматынын мурдагы башчысы, экс-вице-премьер-министр Тайырбек Сарпашевдин аты аталган кылмыш ишин жандантты. Бул маалыматты көзөмөл органынын басма сөз кызматы ырастады.

Маалыматка ылайык, 2017-жылы козголгон кылмыш иши токтоп турган. Иш жандандырылып, Экономикалык кылмыштарга каршы күрөш боюнча мамлекеттик кызматка өткөрүлүп берилди. Азырынча эч кимге айып коюла элек.

Былтыр Башкы прокуратура Мамлекеттик каттоо кызматы 2013-жылы 28-мартта өткөргөн тендерге байланыштуу Кылмыш-жаза кодексинин 304-беренесинин негизинде ("Кызмат абалынан кыянаттык менен пайдалануу") факт боюнча иш козгогон.

Анда Сарпашев вице-премьер-министр болуп турган кезинде Мамкаттоодогу тендерде утулган компаниядан жарандардын туулгандыгы тууралуу күбөлүктөрүнүн бланктарын сатып алууга уруксат бергени айтылган.

Тайырбек Сарпашев бул иште мыйзам бузуу болбогонун, өзүнө карата ачылган кылмыш иштери токтотулганын билдирген эле. (BkA)

Пикирлерди көрүңүз (42)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG