8-октябрда парламенттеги комитет жыйынында депутат Улан Примов чет өлкөдөн алынган насыяларды натыйжасыз колдонгондор боюнча канча кылмыш иши тергелип жатканына кызыкты.
Башкы прокурордун орун басары Нурлан Дүйшембиев чет өлкөлүк насыялар боюнча төрт кылмыш иши козголуп, учурда тергөө жүрүп жатканын билдирди.
Анын маалыматына ылайык, 2017-жылы бул факты менен үч, ал эми 2018-жылы бир кылмыш иши козголгон.
Дүйшембиев Кыргызстан эгемендик алгандан бери чет мамлекеттен алынган насыяларды натыйжасыз пайдаланган канча факты бар экени такталган соң гана маалымат берилерин кошумчалады. (TSh)
