Линктер

ЧУКУЛ КАБАР!
27-Февраль, 2021 ишемби, Бишкек убактысы 10:29

Орус футболчулары Кокорин менен Мамаев камакта калды


Окуя болгон жерден видеокамерага тартылган сүрөт.

Москванын Тверь райондук соту Орусиянын футбол боюнча курама командасынын мүчөлөрү Александр Кокорин менен Павел Мамаевди 8-декабрга чейин камакта калтыруу жөнүндө чечим чыгарды.

Бул тууралуу 10-октябрда “Интерфакс” жазып чыкты. Аларга "баш калаанын борборунда аткаминерди сабаган" деген кине коюлуп жатат. Футболчулар менен кошо мушташка катышканы кабарланган Кокориндин бир тууганы Кирилл да камакка алынды.

8-октябрдын таңында Москвадагы кафелердин биринде футболчулар Александр Кокорин, Павел Мамаев жана алардын жанындагы бири нече киши Өндүрүш жана соода министрлигинин автоунаа чыгаруу тармагында жетекчилик кызматтарда иштеген Денис Пак менен Сергей Гайсинди сабашкан. Ошондой эле “Биринчи каналдын” алып баруучусу Ольга Ушакованын машинесин сүзүп алып, автоунаадан чыга калган айдоочусун токмоктошкон.

Шаршембиде кармалган Кокорин жана Мамаев сурак берип, 48 саатка убактылуу кармоочу жайга камалган. Футболчулар күнөөсү далилденсе, жети жылга эркинен ажыратылышы мүмкүн экени айтылууда.

"Газета.ру" Кирилл Кокорин жарым жыл мурда жогорку окуу жайынан айдалганын жазды. 2018-жылдан бери анын наамына 60 айып жазылган, анын көпчүлүгү автоунаа ылдамдыгына байланыштуу болгон. Жалпы айыптын суммасы 120 миң рублга жеткен. (TSh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG