Линктер

ЧУКУЛ КАБАР!
8-Март, 2021 дүйшөмбү, Бишкек убактысы 13:20

Арменияда президент өкмөттүн кызматтан кетишине макул болду


Никол Пашинян элге сыналгы аркылуу кайрылууда. 16-октябрь, 2018-жыл.

Тиешелүү жардык президент Армен Саркисяндын расмий сайтында жарыяланды.

Мунун алдында кечээ кечинде премьер-министр Никол Пашинян парламенттти таратып, жаңы шайлоону мөөнөтсүз өткөрүү максатында кызматтан кеткенин жарыялаган эле.

“Кызматтан кетүүнүн максаты - премьер-министрдин кызматынан баш тартуу, жоопкерчиликтен качуу эмес, тескерисинче, биз чогуу ишке ашырган, кыянатчыл эмес, элдик "баркыт" ыңкылабын аягына чыгаруу, парламенттик шайлоону мөөнөтсүз өткөрүп, бийликти элге кайтаруу”,-деди Пашинян 16-октябрдын кечиндеги теле кайрылуусунда.

Пашинян кошумчалагандай, мөөнөтсүз парламенттик шайлоого чейин ал өзү жана өкмөт мүчөлөрү конституциялык милдеттерин аткара берет.

Жакында "France24" телеканалы менен болгон маегинде Пашинян "парламенттик шайлоо 9-10-декабрда өтөт" деп болжолдогон.

Армениянын 2015-жылы кабыл алынган акыркы Конституциясына ылайык, эгер өлкөнүн Улуттук жыйыны премьер-министрди эки жолу дайындай албай койсо, ал таратылат жана мөөнөтсүз парламенттик шайлоо белгиленет. (UE)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG