Жогорку Кеңеште залкар жазуучу Чыңгыз Айтматовдун 90 жылдыгына арналган илимий-практикалык конференция өтүп жатат.
Иш-чарага окумуштуулар, академиктер, адабиятчылар, Жогорку Кеңештин мурдагы төрагалары, азыркы парламенттин депутаттары катышууда.
Конференцияда Айтматовдун чыгармачылыгын баяндаган даректүү тасма көрсөтүлдү. Мындан соң иш-чаранын катышуучулары Айтматовдун чыгармачылыгы, коомдук жана дипломатиялык ишмердүүлүгү боюнча баяндама жасашууда.
Залкар жазуучу Чыңгыз Айтматовдун көзү тирүү болгондо быйыл 90 жашка чыкмак. Быйыл жазуучунун мааракесине арналган ар кыл иш-чаралар бир нече өлкөдө өтүп жатат. (BkA)
