Линктер

ЧУКУЛ КАБАР!
2-Март, 2021 шейшемби, Бишкек убактысы 14:36

КСДП: Илмияновдун шоу менен кармалганын түшүнбөй турабыз


Икрамжан Илмиянов

Икрамжан Илмияновго соттон же УКМКдан эч кандай чакыруу кагазы келген эмес. Бул тууралуу "Азаттыкка" КСДП партиясынын расмий өкүлү Кундуз Жолдубаева билдирди.

- Бүгүн биз Илмияновдун жубайы менен байланыштык. Анын үйүнө эч кандай чакыруу кагазы келбептир. Анын жубайына Илмиянов кайсы жерде экендигин эч ким чалып сурабаптыр. Мунун шоу менен кармалганы биз үчүн түшүнүксүз болуп жатат. Илмияновдун эч кимден качпаганы жана жашырынбай эле жүргөнү баарына маалым. Анын Казанда жүргөнүн массалык маалымат каражаттары мурдатан эле чыгарып жүргөн. Тергөө иши саясий жактан боёлбошу керек. Анын иши калыс жана адилеттүү, ошол эле учурда кайсы бир саясий күчтөн көз карандысыз тергелиши керек, - деди Жолдубаева.

Кундуз Жолдубаева азырынча адвокат маселеси да алар үчүн бүдөмүк болуп турганын мындайча кошумчалады:

- Илмияновдун жубайына түн ичинде бир адвокат келип, "Мен Илмиянов Икрам Сатарович менен сүйлөштүм" деп, аны менен келишим түзүп кетиптир. Ал кайсы адвокат? УКМКнын дежур адвокаттары бар эмеспи. Ошол адвокаттарбы? Азыр ошону териштирип жатабыз.

УКМК Икрамжан Илмияновдун кармалганын ырастаган. Кылмышка шектүүнүн кандай жагдайда, кайда кармалганы жана Кыргызстанга алып келингени жөнүндөгү маалыматты УКМК өкүлү кенен билдирген жок. (KR)

Пикирлерди көрүңүз (56)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG