Учурда өлкө боюнча 676,8 миң тонна буудай жыйналды. Былтыркыга караганда бул көрсөткүч 37 миң тоннага көп. Мындай маалымат Айыл чарба министрлигинин отчетунда айтылат.
Жалал-Абад облусу бир гектар жерден 31 центнер буудай жыйнап, өлкө боюнча алдыңкы сапка чыкты.
Кыргызстан өзүнө жетиштүү буудай өндүрүп, ун менен камсыз кыла албайт. Өлкө калкы бир жылда 600 миң тонна ун керектейт. Мындай өлчөмдөгү унду алуу үчүн 800 миң тонна буудай зарыл. Ошондуктан ун өндүрүүчүлөрдүн негизги сырьесу Казакстандын буудайы бойдон калууда. Өлкөдө беш жыл ичинде буудай өстүрүү 1,5 эсе азайган. (TSh)