Самарканд шаарында 21 адам хот-дог жеп ууланды, жетөөнүн абалы оор. Бул тууралуу жергиликтүү саламаттык сактоо башкармалыгына таянып, turon24 агенттиги жазды.
Маалыматка караганда, Сартепа конушунда жашаган тургундар уулануу белгилери менен "Тез жардамга" кайрылган.
Алар хот-догду дыйкан базарына жакын жердеги тез татымдан алып жешкен. Санэпидкөзөмөл борборунун чечими менен аталган тамактануучу жай жабылып, текшерүү башталды. Ишти прокуратура да карап жатат.
