Жогорку Кеңеш мекемелердин жана калктын кышка даярдыгы боюнча өкмөттүн отчетун угат. Анда негизинен электр тармагы, көмүр менен камсыз кылуу жана жылуулук берүү тутумунун даярдыгы тууралуу маалымат берилет.
Бишкек ЖЭБин оңдоого Кытай өкмөтү 386 миллион доллар насыя берген. Бирок быйыл кышында ишканада авария болуп, шаар тургундарынын көпчүлүгү дээрлик бир жума бою жылуулуксуз калган. Кийин ал насыянын максаттуу пайдаланылышы тууралуу маселе көтөрүлүп, кылмыш иши козголгон. Анын негизинде учурда бир катар мурдагы жетекчилер камакта отурат.
Быйыл ЖЭБди оңдоп-түзөөдө салынбай калган жаңы химиялык цехтин курулушу аяктады. (КЕ)
