Линктер

ЧУКУЛ КАБАР!
5-Март, 2021 жума, Бишкек убактысы 08:01

Кыргызпатент автордук укукту коргоо боюнча коомдук уюм менен кызматташат


Интеллектуалдык менчик жана инновация боюнча мамлекеттик кызмат (Кыргызпатент) жана Көз каранды эмес телерадиокомпаниялардын ассоциациясы кызматташуу боюнча меморандумга кол койду. Бул тууралуу мекеменин басма сөз кызматы маалымдады.

Меморандумдун негизги максаты - телерадио тармагынын өнүгүшүндө жана андагы автордук укукту коргоодо биргелешип кызматташуу.

Кыргызпатенттин жетекчиси Динара Молдошева интеллектуалдык менчикти коргоо жана көйгөйдү чечүүдө жаңы ыкмаларды иштеп чыгуу учурдун актуалдуу маселеси бойдон калып жатканын белгиледи.

Жакында эле Кыргызстанда Көз каранды эмес телерадиокомпаниялардын ассоциациясы түзүлгөн. Жеке менчик телекомпаниялардын башын бириктирген ассоциациянын эң негизги максаты - Кыргыз Республикасынын телерадиотрансляция тууралуу мыйзамынын толук аткарылышын камсыз кылуу.

Расмий маалыматка караганда, 2013-2017-жылдарда ойлоп табуучулук боюнча 497 патент берилген. Миңден ашык автордук укук каттоого алынган. (TSh)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG