Орусиянын бир катар шаарларында бүгүн, 29-октябрда саясий репрессия курмандыктары эскерилүүдө. Москванын Лубянск аянтында таңкы саат 10дон кечки саат 10го чейин репрессия курмандыктарынын аты-жөнү жарыя окулуп турат.
“Тоталитардык мамлекет адамдарды өлтүрүп гана койбостон, аларды такыр унуттуруш үчүн аттарын тарыхтан өчүрүүгө аракет кылган. Жаманатты болгондор жана өлтүрүлгөндөр тууралуу эстөө - бул диктатураны четке кагуу, бул биздин эркиндикке карай кадамыбыз” деп айтылат акциянын уюштуруучусу, "Мемориал" эл аралык укук коргоо кыймылынын маалыматында.
Акция бул жылы 12-жолу уюштурулуп жатат. Бирок дагы эле репрессия курмандыктарынын аттары толук окулуп бүтө элек. Маалыматтарга караганда, 1930-жылдары Москванын өзүндө эле 40 миң киши атылган.
Москванын бийлиги Лубянкадагы ремонт иштерине байланыштуу башында бул акцияны өткөрүүгө каршылык билдирген.
Орусияда репрессия курмандыктары Жогорку Советтин 1991-жылдагы чечими менен 30-октябрда белгиленип келет.
