Бишкекте бүгүн, 5-ноябрда төртүнчү Аймактар форуму өтөт.
Иш-чараны АКШнын Эл аралык өнүктүрүү агенттигинин (ЮСАИД) Кыргызстандагы өкүлчүлүгү уюштурууда. Аталган уюмдун маалыматына караганда, форумга Жалал-Абад, Нарын, Ош жана Ысык-Көл облустарынын 50 муниципалитетинин, эл аралык уюмдардын, ишкер чөйрөнүн өкүлдөрү катышат. Ошондой АКШнын Кыргызстандагы элчиси, президенттик аппараттын өкүлдөрү келиши күтүлүп жатат.
Анда экономикалык өнүгүү мүмкүнчүлүктөрү, жергиликтүү бюджетти көбөйтүү жолдору талкууланат. (NT)
