Линктер

ЧУКУЛ КАБАР!
2-Март, 2021 шейшемби, Бишкек убактысы 14:29

Болот Шамшиевдин автоунаасын уурдап, өрттөп кетишти


Болот Шамшиев.

Кыргыз Республикасынын Эл артисти, белгилүү кинорежиссер жана актер Болот Шамшиевдин машинесин белгисиз бирөөлөр уурдап кетип, андан кийин өрттөп жиберишти.

Бул тууралуу маалыматты Шамшиев "Азаттыкка" ырастап, Бишкектин Свердлов райондук милиция бөлүмүнө арыз жазганын билдирди.

Анын айтымында, машине 8-ноябрдын кечинде Бишкектеги актер жашаган үйдүн короосунда токтотулган жеринен уурдалган. Шамшиев бул тууралуу милицияга кабарлап, тартип сакчылары машинени Чүйдүн Молдовановка айылында өрттөнгөн абалда табышкан.

Болот Шамшиевдин маалыматына караганда, автоунаадан эч нерсе уурдалган эмес. "Мерседес" үлгүсүндөгү машине 1989-жылы заводдон чыккан. Режиссер аны 1993-жылы залкар жазуучу Чыңгыз Айтматов Люксембургда элчи болуп турган кезде алганын, ал анын документтерин даярдоого көмөктөшкөнүн жана аны Кыргызстанга өзү айдап келгенин айтты. Шамшиев белгисиз бирөөлөр машине ага таандык экенин билип туруп, "атайлап уурдашкан" деп эсептейт. Милициядан актердун автоунаасынын уурдалышынын чоо-жайы тууралуу маалымат алууга мүмкүн боло элек.

Кыргызстандын жана СССРдин эл артисти Болот Шамшиев 77 жашта. Ал тарткан "Караш-Караш окуясы", "Ысык-Көлдүн кызгалдактары", "Ак кеме", "Сүйүү жаңырыгы", "Эрте келген турналар" жана башка көркөм тасмалар калың элге кеңири белгилүү. (NT)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG