Линктер

ЧУКУЛ КАБАР!
7-Март, 2021 жекшемби, Бишкек убактысы 14:39

Кыргызстандык спортчуларга мамлекеттик наамдар берилди


Солдон оңго: Айпери Медет кызы, Байгазы Кенжебаев жана Айсулуу Тыныбекова.

Спорттогу жетишкендиктери үчүн Айсулуу Тыныбекова, Каныбек Жолчубеков, Төрөкан Багынбай уулу, Дарья Маслова жана Эламан Догдурбек уулу "эмгек сиңирген спорт чебери" наамына ээ болушту. Аларга сыйлык тапшыруу салтанаты 13-ноябрда Бишкекте, Кожомкул атындагы спорт ордосунда өткөнүн Жаштар иштери, дене тарбия жана спорт агенттиги билдирди.

Жеңил атлет Дарья Маслова быйыл Индонезияда өткөн Жайкы Азия оюндарында алтын жана күмүш медалдарды утканы үчүн Кыргызстандын Жеңил атлетика федерациясынан 1 миллион сом акчалай сыйлык алды.

"Эл аралык даражадагы спорт чебери" наамы балбандар Акжол Махмудовго, Жоламан Шаршенбековго, Амантур Исмаиловго, Айпери Медет кызына жана Мээрим Жуманазаровага берилди.

Спортчулар быйыл Азия оюндарында, Азия жана дүйнө чемпионаттарында алтын, күмүш байгелер менен кайтышкан.

Мындан тышкары спорттун өнүгүшүнө кошкон салымы үчүн спорттун ар кайсы түрү боюнча машыктыруучулар Сергей Кладновго, Абдулжалил Юнусовго, Данияр Жусубалиевге, Байгазы Кенжебаевге, Сүймөнкул Табалды уулуна жана Муртазали Муртазалиевге "эмгек сиңирген машыктыруучу" наамы ыйгарылды. (GT)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG