Ысык-Көлдүн Тоң районунда 14 жаштагы бала чөнтөк телефонунун жарылуусунан жабыркап, аймактык ооруканага түштү. Ага көкүрөгү, оң жамбашынын ички жагы жана ичи 1-2-даражадагы химиялык күйүк алган деген диагноз коюлуп, дарыланууга жаткырылды. Саламаттык сактоо министрлигинин маалыматына караганда, окуя 24-ноябрда болгон. Өспүрүмдүн абалы оор бойдон калууда.
Айрым жергиликтүү маалымат булактары өспүрүм телефондо сүйлөшүп бүтүп, жерге түшүрүп жибергени, андан соң алып чөнтөгүнө салган соң аппарат жарылганын жазышты. (BCh)
