Линктер

ЧУКУЛ КАБАР!
7-Март, 2021 жекшемби, Бишкек убактысы 18:06

Буштун тажиясына АКШнын беш президенти келди


Жорж Буштун мамлекеттик тажиясы 5-декабрда Вашингтондогу улуттук кафедралдагы собордо өтүп жатат.

Американын 41-президенти Жорж Буштун мамлекеттик тажиясы 5-декабрда Вашингтондогу улуттук кафедралдагы собордо өтүп жатат. Ал 30-ноябрда 94 жаш курагында көз жумган.

Акыркы сапарга узатуу иш-чарасына Американын саясий элитасы, белгилүү коомдук-саясий ишмерлер, азыркы жана мурдагы президенттер келди. Көзү тирүү экс-президенттер - Жимми Картер, Билл Клинтон жана Барак Обама тажияга жубайлары менен катышууда. Ага учурдагы президент Дональд Трамп да жубайы Мелания менен келди. Мамлекеттик коштошуу зыйнатында маркумдун уулу, экс-президент, кичүү Жорж Буш сөз сүйлөйт.

Буштун үй-бүлөсүн сындап келген азыркы президент Дональд Трамп сөз албайт. 1973-жылдан бери биринчи жолу мурдагы мамлекет башчысын акыркы сапарга узатууда кызматтагы президент сөз сүйлөөгө чакырылган жок.

Американын 41-президентин акыркы сапарга узатууга чет өлкөдөн британ ханзаадасы Чарльз, Германиянын канцлери Ангела Меркел, Иорданиянын королу Абдалла, Польшанын президенти Анджей Дуда келери кабарланган.

Маркум Жорж Буштун сөөгү 6-декабрда Хьюстондо, анын президенттик китепканасынын аймагында, жубайы Барбаранын жанына коюлат.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG