Бүгүн, 10-декабрда Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер боюнча комитетинде финансы министринин кызматына президенттин кеңешчиси Бактыгүл Жээнбаеванын талапкерлиги каралат. Бул тууралуу парламенттин депутаты Исхак Масалиев билдирди.
6-декабрь күнү финансы министри Адылбек Касымалиев кызматтан кеткен. Анда министрдин кызматын тапшыруу тууралуу өтүнүчү кабыл алынганы айтылган. 58 жаштагы Адылбек Касымалиев 2015-жылдан бери финансы министри болуп иштеп келген. (TSh)