12-декабрда парламент жыйынында саламаттык сактоо министринин орун басары Мадамин Каратаев Ысык-Көл аймагында медициналык туризмди өнүктүрүү боюнча иштер жүргүзүлүп жатканын маалымдады.
- Ысык-Көл аймагында эс алуу сезону орто эсеп менен он бир күн экен. Курорт болушу керек. Медициналык туризмди Ысык-Көлдө жана Бишкекте өнүктүрүшүбүз керек, - деди ал.
Кыргызстанда бийлик туризм кирешелүү тармак экенин белгилеп, аны өнүктүрүүгө аракет кылып келет. Кыргызстанга келген туристтердин 70% КМШдан (Казакстан, Өзбекстан, Орусия жана башка өлкөлөр) келгендер, алардын көбү Ысык-Көлгө барышат. Ал эми саякатчылардын 30 пайызын Түркиядан, Кытайдан, Индиядан, АКШдан, Түштүк Кореядан, Германиядан, Франциядан, Грузиядан, Улуу Британиядан, Сауд Арабиясы жана башка мамлекеттен келгендер түзөт. (ТSh)