Орусия 2014-жылы Украинадан аннексиялап алган Крымда бир катар аймактар “аба ырайынын начарлашынан улам" электр жарыгысыз калганын «Крымэнерго» ишканасы ырастады. Бул тууралуу “Эркин Европа/Азаттык” радиосунун “Крым.Реалии” сайты кабарлоодо.
Жергиликтүү убакыт боюнча бүгүн эртең мененки саат 9:00га карата 138 айыл-кыштак, конуш электр жарыгысыз калган. Бул аймактарда 38 миңдей киши жашайт.
«Крымэнерго» ишканасы электр жарыгын берүүнү калыбына келтирүү кардан жана жолдордун тайгактыгынан улам кыйынчылык жаратып жатканын билдирген. (UE)
