Линктер

ЧУКУЛ КАБАР!
9-Декабрь, 2021 бейшемби, Бишкек убактысы 16:34

Кыргызстанда 322 миң пенсионер пенсиясын банк аркылуу алат


Иллюстрациялык сүрөт.

Кыргызстанда 648 миң пенсионер бар. Алардын 322 миңи пенсиясын коммерциялык банктардан, калган 327 миңи почта аркылуу алат. Бул тууралуу Жогорку Кеңеште Социалдык фонддун төрагасы Медер Ирсалиев билдирди.

Анын маалыматына караганда 2017-жылы “Кыргыз почтасына” пенсионерлерге кызмат көрсөткөнү үчүн 270 млн. сом, ал эми банктарга 76 млн. сом төлөнгөн. 2018-жылы почтага 297 млн. сом, банктарга 77 млн. сом каралган.

Парламент депутаты Аалы Карашев Социалдык фондго каражатты үнөмдөп, пенсия таратууда банктардын кызматын колдонууну сунуш кылды. Соцфонддун жетекчиси Медер Ирсалиев айылдарда коммерциялык банктардын өкүлчүлүктөрү жок экенин айтты.

Расмий маалымат боюнча Кыргызстанда пенсиянын орточо көлөмү 5682 сомду түзөт. Өлкөдө эркектер 63 жаштан, аялдар 58 жаштан пенсияга чыгат. (BTo)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG