Линктер

ЧУКУЛ КАБАР!
6-Декабрь, 2021 дүйшөмбү, Бишкек убактысы 15:42

Евробиримдик Украинага мындан ары да жардам берет


Федерика Могерини.

Европа Биримдигинин лидерлери Брюсселде жыйынга чогулуп, Украинадагы саясаты үчүн Орусияга каршы киргизилген экономикалык санкциялар дагы алты айга узартыларын билдиришти.

2014-жылы Крым жарым аралы аннексиялангандан кийин Орусиянын банк жана энергетика тармагына каршы киргизилген санкциялар жарым жыл сайын узартылып келе жатат.

Ошону менен катар Евробиримдиктин лидерлери Азов деңизиндеги соңку абалды талкуулашты. Бирок Москваны айыптаган же кошумча санкция киргизүүнү сунуш кылган чечимдер болгон жок.

Европа Биримдигинин тышкы саясат боюнча жогорку комиссары Федерика Могерининин айтымында, Украинага жардам күчөтүлмөй болду.

- Азов деңизиндеги чыңалуу боюнча биз дүйшөмбү күнү Украинанын тышкы иштер министри Павел Климкин жана кечээ президент Порошенко менен талкуулаган позициябыз "Орусия кемелерди бошотушу керек" деген көз карашыбызды бекемдейт. Биз Украинанын аймактык бүтүндүгүн жана эгемендигин колдойбуз жана Крым жарым аралынын аннексияланышын мыйзамсыз деп эсептейбиз, - деди Могерини.

25-ноябрда Кара деңиз менен Азов деңизи кесилишкен Керч кысыгында болгон окуяны Украина жана Батыш өлкөлөрү “агрессия” десе, Орусия “чагым” деп баалаган. Орусия анда Украинанын үч кемесин, 24 деңиз аскерин күч менен кармап кетип, кийин аскерлердин баарын эки айга камакка алган. ​(RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG