Линктер

ЧУКУЛ КАБАР!
1-Декабрь, 2021 шаршемби, Бишкек убактысы 02:55

Бишкек шаардык кеңешинде орус жарандыгы бар депутаттын мандаты алынды


Жергиликтүү кеңеш депутатынын төш белгиси.

Бишкек шаардык кеңешине "Республика - Ата Журт" партиясынан депутат болуп шайланган Жусупбек Коргонбай уулу мурда Орусиянын жарандыгын да алганы аныкталып, мандаттан ажыратылды. Аймактык шайлоо комиссиясы 19-декабрда ушундай чечим кабыл алды.

Комиссиянын төрагасы Кайрат Маматов "Азаттыкка" билдиргендей, анын жарандыгын тактоо тууралуу быйыл жайында Орусиянын Юстиция министрлигине кат жөнөтүлгөн. Ал жактан келген жоопто Коргонбай уулу 2007-жылы орус жарандыгын алганы, ал азыркы күнгө чейин күчүндө экени белгиленген.

- "Жергиликтүү кеңештерди шайлоо жөнүндө" мыйзамдын 52-беренесинде так жазылган. Башка өлкөнүн жараны депутат болууга укугу жок, - деди ал.

Бишкек шаардык кеңешине шайлоо 2016-жылы 11-декабрда өтүп, беш партиядан 45 депутат шайланган.

Кыргызстанда чет мамлекеттин жарандыгын алган аткаминерлер маселеси буга чейин Жогорку Кеңештин депутаттарына жана башка жетекчилерге байланыштуу да көтөрүлгөн.

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG