Линктер

ЧУКУЛ КАБАР!
9-Март, 2021 шейшемби, Бишкек убактысы 04:16

Банк уячалары тууралуу каттын жайылышы иликтенет


Гуламжан Анарбаев.

Финансылык чалгын кызматы коммерциялык банктарга жиберген кат коомчулукка кандайча жарыяланып кеткенин иликтөөнү өтүнүп укук коргоо органдарына кайрылды.

Бул тууралуу 21-декабрда мекеменин жетекчиси Гуламжан Анарбаев Бишкекте өткөн басма сөз жыйынында билдирди. Анын айтымында, кеп кардарлардын эсептери жана банк уячалары боюнча "өтө маанилүү" деген белгиси бар кат тууралуу болуп жатат.

- Банктарга жөнөтүлгөн кат туура эмес чыгып кетти. Бул документ боюнча элге туура эмес маалымат берилип жатат, - деди Анарбаев.

Финансылык чалгын кызматы банктарга жиберген катты "Террористтик ишти каржылоо жана кылмыштуу кирешелерди легалдаштырууга каршы аракеттенүү жөнүндө" мыйзамды аткаруу талаптары менен байланыштырууда.

Буга чейин Интернетке Анарбаевдин "өтө маанилүү" деген белги коюлган, коммерциялык банктарга жиберилгени кабарланган каты жарыяланган.

Анда 17-декабрга чейин бардык кардарлардын эсептери жана уячалары тууралуу маалымат берүү талабы коюлган.

Банк тармагы боюнча экcперттер чалгын кызматынын талабы мыйзамсыз экенин айтышкан.

Ал эми Жогорку Кеңештеги КСДП фракциясынын төрагасы Иса Өмүркулов уячалар жана эсептер боюнча маалымат алуу аракетин чыккынчылыкка теңеген. (BTo)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

Сунуш кылынган арга.

XS
SM
MD
LG