Сузак районунун Благовещенский айылында дене табы көтөрүлүп кеткен баланы кароодон баш тарткан педиатр иштен алынды.
Бул тууралуу Саламаттык сактоо министрлиги маалымдады. Аталган айылдагы 11 үй-бүлөлүк дарыгерлер тобуна кирген балдар догдуру тууралуу даттануулар бир нече күн мурда социалдык медиага чыккан.
21-декабрда Саламаттык сактоо министрлигинин 208-буйругуна ылайык өз ишин аткарбаганы үчүн иштен четтетилди. Ошондой эле Сузак райондук үй-бүлөлүк дарыгерлер топторуна мындан ары бул сыяктуу окуялар кайталанбасын деген эскертүү берилди. (BCh)