Линктер

ЧУКУЛ КАБАР!
7-Март, 2021 жекшемби, Бишкек убактысы 15:07

Валерий Белоконь деген ат КГБнын агенттеринин тизмесинен табылды


Латвиялык ишкер Валерий Белоконь.

Валерий Белоконь деген ат Советтер Союзундагы Мамлекеттик коопсуздук комитети – КГБнын баканооздорунун тизмесинен табылды.

Аты-жөнү ушундай эле адам кыргызстандыктарга Максим Бакиевдин өнөктөштөрүнүн бири деп эсептелген латвиялык ишкер катары белгилүү.

20-декабрда Латвия КГБнын архивин ачыкка чыгарды. Агенттер, резиденттер жана жашыруун жолугушуулар өтүүчү жайлар үчүн жооптуулардын аты-жөнү, каймана аты жазылган 10 миңдей документ өткөн кылымдын 80-жылдарында топтолгону айтылат.

Латвиянын мамлекеттик архивиндеги документтер.
Латвиянын мамлекеттик архивиндеги документтер.

Анын баары эми Латвиянын мамлекеттик архивинин Интернеттеги расмий сайтында ачык болот.

Валерий Белоконду кыргызстандыктар "2010-жылга чейин арам акчаны адалдоого аралашкан" деген “Манас” банкынын мурдагы жетекчиси катары билишет. Ал эми Англиянын түндүк-батышындагы 140 миңдей киши жашаган Блэкпул шаарындагылар аны жергиликтүү футбол клубунун мурдагы президенти катары таанышат.

Белоконь азырынча Интернетте тарап жаткан маалымат тууралуу комментарий бере элек. (RK)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG