Ысык-Көл облусунун Чоң-Сары-Ой айылындагы жол кырсыгынан эки киши каза болуп, төртөө жабыркады. Өзгөчө кырдаалдар министрлиги тараткан маалыматка караганда, кырсык 24-декабрда түнкү саат 23:45те Балыкчы – Чолпон-Ата – Каракол жолунун 60-чакырымында болгон. Анда "Honda Stepwgn" жана "Mercedes-Benz 210" үлгүсүндөгү автоунаалар кагылышкан. Куткаруучулар кырсыкка кабылган адамдарды унаадан чыгарып, аларды "Тез жардам" алып кеткен.
Расмий маалымат боюнча 2018-жылдын 9 айында өлкөдө 4 миңден ашык жол кырсыгы катталган. Андан 458 киши каза болуп, 6 миңден ашык адам жабыркаган. (КЕ)
