Линктер

ЧУКУЛ КАБАР!
5-Март, 2021 жума, Бишкек убактысы 22:20

Ташиев: Ырайым берүү тандалма болбошу керек


Камчыбек Ташиев.

Президенттин ырайым берүү жараяны тандалма болбошу керек.

Бул тууралуу Жогорку Кеңештин мурдагы депутаты Камчыбек Ташиев билдирди.

Ал экс-президент Роза Отунбаеванын “Ата Мекен” партиясынын лидери Өмүрбек Текебаевге ырайым берүү тууралуу кайрылуусу тууралуу ушундай ойдо.

Ташиев экс-президент Роза Отунбаевага, Жогорку Кеңештеги фракция лидерлерине кайрылып, президенттин ырайымына буга чейин саясий негизде камалгандардын баары татыктуу экенин белгилеген.

- Ушундай негизде бир катар мамлекеттик ишмерлер камакта жатат. Ошолордун баарына ырайым берилиши керек. Алардын баары мурдагы президент менен саясий көз караштары дал келбегени үчүн түрмөдө отурат. Мен ушуну президенттен сурандым. Ал жерде Бекболот Талгарбеков, Садыр Жапаров, Кубанычбек Кадыров, Бектур Асанов отурат. Эгер Өмүрбек Текебаевдин 60 жаш мааракесине байланыштуу дей турган болсок, Жапаров жакында эле элүүгө чыкты, Талгарбеков 60ка толду. Ошондуктан бардыгына ырайым берилиши керек.

25-декабрда Жогорку Кеңештин мурдагы депутаты, “Ата Мекен” партиясынын жаза мөөнөтүн өтөп жаткан лидери Өмүрбек Текебаевге ырайым берүү боюнча экс-президент Роза Отунбаеванын президент Сооронбай Жээнбековго жазган кайрылуусун парламенттеги бардык фракциянын лидерлери колдошкон.

Жээнбековдун администрациясы ал кайрылууну алганы же албаганы боюнча маалымат бере элек. (КЕ)

Пикирлерди көрүңүз (27)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG