Линктер

ЧУКУЛ КАБАР!
30-Ноябрь, 2021 шейшемби, Бишкек убактысы 08:56

Төрөбаев: “Өнүгүү-Прогресс” партиясы саясий интригаларга аралашкан жок


“Өнүгүү-Прогресс” партиясынын төрагасы Бакыт Төрөбаев жаңы жылга карата элге кайрылуу жасап, партиянын бир жылдык ишмердүүлүгү жөнүндө маалымат берди. Ал видео кайрылуусунда партия саясий интригалар, популисттик убадалардан оолак болду деп айтты:

- Биздин партия саясий интригалардан, популисттик убадалар менен алектенбестен элдин жашоо-шартын жакшыртуу, экономиканы көтөрүү максатында системалуу жумуштарды аткарып, партия ичинде тазалануу жана жаш кадрлар менен иштөөнүн үстүндөбүз, - деди Төрөбаев.

Төрөбаев партия бир жыл ичинде отуз ишкана ачып, жүздөгөн адамдарды иш менен камсыз кылганын кошумчалады. Ал эми 2020-жылы парламенттик шайлоого катышуу боюнча чечим 2019-жылдын апрель айында өтүүчү сьездде кабыл алынарын маалымдады.

"Өнүгүү-Прогресс" партиясы айыл чарбасын колдоо боюнча программалары аркылуу таанылып, 2012-жылдан бери бир катар райондордо жергиликтүү кеңештерде жеңишке жетип, ал эми 2015-жылы парламентке келген.

Лидери Бакыт Төрөбаев 2017-жылы президенттик жарышка чыгып, кийин өз каалоосу талапкерлигин алып салган. Анткени ал президенттикке талапкерлердин бири, учурда кылмыш иши козголуп сыртта жүргөн Өмүрбек Бабанов менен тандем түзүп, аны колдоп чыккан. (TSh)

Пикирлерди көрүңүз (39)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG