Линктер

ЧУКУЛ КАБАР!
3-Март, 2021 шаршемби, Бишкек убактысы 12:33

Швеция: терактты пландагандардын арасында кыргызстандык бар


28-декабрда Швециянын прокуратурасы теракт жасоону пландаган деп шектелип жаткан Борбор Азия өлкөлөрүнүн үч жаранына айыбын угузду. Бул тууралуу "РИА новости" агентиги кабарлады. Өлкөнүн прокуратурасы шектүүлөр пландаган теракт ишке ашып калса, көптөгөн жоготууларга алып келмек деп маалымдаган.

Шектүүлөр “адамдарды өлтүрүү максатында ири өлчөмдөгү химиялык жана башка заттарды сактап жүргөн” деп айыпталууда. Терактты пландоого шектелип жалпысынан алты киши кармалган. Аларга “терроризмди каржылаган” деген айып коюлуп жатат.

Маалыматка ылайык, кармалгандар “Ислам мамлекети” экстремисттик тобуна акча жөнөтүшкөн. Бирок кармалгандар күнөөсүн мойнуна алышкан жок.

Сот отуруму 2019-жылдын 7-январына белгиленди. Учурда Швеция алардын миграциялык статусун текшерип жатат. Ал эми жергиликтүү "Dagens Nyheter" гезити кармалгандар Өзбекстандын жана Кыргызстандын жарандары экенин кабарлашууда. Алар Швеция соту өмүр бою эркинен ажыраткан өзбекстандык Рахмат Акилов менен байланышта болгон деп шектелүүдө.

Азырынча Кыргызстандын расмий органдары бул маалымат боюнча комментарий бере элек. (TSh)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG