Линктер

ЧУКУЛ КАБАР!
1-Март, 2021 дүйшөмбү, Бишкек убактысы 02:00

Трамп Сириядан АКШ аскерлерин чыгаруу процессин басаңдатат


Дональд Трамп Ирактагы америкалык аскерлер менен. 27-декабрь, 2018-жыл.

Кошмо Штаттардын президенти Дональд Трамп америкалык аскерлерди Сириядан чыгарып кетүү жараянын басаңдатуу тууралуу чечим кабыл алды. Бул тууралуу аны менен жолугушуп чыккандан кийин республикачы сенатор Линдси Грэм маалымдады. Ошол эле кезде Трамп Сириядан аскерлерди чыгаруу тууралуу баштапкы чечиминен кайтпай турганын билдирген.

CNN телеканалынын маалыматына караганда, Трамп Сириядан аскерлерди чыгаруу боюнча көз карашын өткөн жумада Иракка баргандан кийин өзгөрткөн. Анда АКШ президенти аймакта “Ислам мамлекети” террордук тобу али жеңиле элек экенин айткан аскер жетекчилери менен жолугушкан.

19-декабрда Дональд Трамп эки айдын аралыгында Сириядан америкалык аскерлер чыгарыла тургандыгын жарыялаган. Анын бул кадамын АКШнын өнөктөштөрү жана конгрессмендер сындап, коргоо министри Жим Мэттис бул чечимди колдобой тургандыгын билдирип, кызматынан баш тарткан.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG