Линктер

ЧУКУЛ КАБАР!
3-Март, 2021 шаршемби, Бишкек убактысы 09:45

АКШ: Трамп “шатдаун” дагы уланышы мүмкүн экенин эскертти


Дональд Трамп.

АКШнын президенти Дональд Трамп өкмөттүн ишин жарым-жартылай токтотууга алып келген “шатдаун” мындан ары да уланышы мүмкүн экенин эскертти. Трамп бул үчүн парламенттеги демократтарды айыптады.

“Демократтар “эс алуусун токтотуп, жумушка чыкмайынча”, биз узак убакыт бою жумушка келбешибиз мүмкүн”, - деп жазды АКШнын президенти 12-январда "Твиттердеги" баракчасына.

Кошмо Штаттарда өкмөттүн толук каржыланбай турганына 12-январда 22 күн толду. Бул АКШ тарыхындагы эң узун “шатдаун” болуп калат. Буга чейин Билл Клинтондун президенттик жылдарында өкмөт 21 күн толугу менен каржыланбай калган эле.

Мексика менен чек арадагы дубалдын курулушу үчүн Трамп Конгресстен 5,7 миллиард доллар сурап жатат. Бирок демократтар буга макул болбой, чек арада дубалдын курулушу үчүн эмес, коопсуздукту бекемдөөгө 1,3 миллиард доллар бөлүүнү сунуш кылышкан.

Дал ушул маселе боюнча пикир келишпестиктен улам АКШда бюджетти бекитүү создугуп, федералдык өкмөттүн иши жарым-жартылай токтогон.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG