Линктер

ЧУКУЛ КАБАР!
21-Июнь, 2024-жыл, жума, Бишкек убактысы 01:17

Көрүстөндөгү эстеликтерди талкалагандар табыла элек


Ананьеводогу православ көрүстөнү. Сүрөт 13-январда тартылган.
Ананьеводогу православ көрүстөнү. Сүрөт 13-январда тартылган.

Ысык-Көл районундагы Ананьево айылында православ көрүстөнүндөгү эстеликтерди талкалап кеткендер табыла элек. Бул тууралуу Ысык-Көл облустук милициясынын басма сөз кызматы «Азаттыкка» билдирди.

Маалыматка караганда, шектүүлөрдү издөө иштери дагы эле уланып жатат.

Ананьево айылындагы православ көрүстөнүндөгү жыгач кресттер талкаланганы 12-январда белгилүү болгон. Аларды 11-январдын кечинде белгисиз кишилер бузуп, сындырып кеткени айтылган.

Учурда Бишкектеги жана Караколдогу православ чиркөөсүнүн өкүлдөрү эстеликтерди калыбына келтирип жатышат.

Милиция православ мүрзөсүндө 90го жакын эстелик талкаланганын кабарлады.

XS
SM
MD
LG