Линктер

ЧУКУЛ КАБАР!
27-Ноябрь, 2021 ишемби, Бишкек убактысы 20:15

Чеченстанда кумсалар кайрадан чабуулга кабылды


Cанкт-Петербургда өткөн Чеченстандагы кумсаларды колдогон акция.

Чеченстанда кумсаларга каршы өнөктүк кайра башталып, 40тай киши кармалды. Алардын ичинен эки адам жарыкчылык менен кош айтышты. Бул тууралуу Орусиянын ЛГБТ коомчулугу билдирип, жумуриятта гейлер менен лесбиянкаларга чабуулдун жаңы толкуну башталганын ырастады.

Уюмдун маалыматына караганда, декабрдын этегинен бери кеминде 40тай аял-эркек мыйзамсыз кармалса, алардын экөө кыйноодон улам каза тапкан.

Сексуалдык азчылыктардын өкүлдөрүн укук коргоо органдарынын кызматкерлери кармап, алардын айрымдарын Аргундагы бейрасмий түрмөгө камашкан.

Жергиликтүү тургундардын маалыматына караганда, кармалгандардын айрымдары гана укук коргоочулар менен байланыша алышкан. Полиция алардын көбүнүн документтерин тартып алып, жакындарына каршы кылмыш иштерин ачабыз деп коркутушат. Андыктан сурак жүргүзүлгөндүгү тууралуу актай кагазга кол коюп берүүгө мажбур болушат.

Чеченстандын бийлиги жумуриятта сексуалдык азчылыктарды куугунтуктоо жүрүп жатканын четке кагып келет. Республиканын лидери Рамзан Кадыровдун басма сөз катчысы Алви Каримов "Интерфакс" агенттигине мындай маалыматты "караманча калп деп билдирип, "Чеченстанда андай болушу деги мүмкүн эмес" деди.

Чеченстандын бийлиги буга чейин дагы кумсалардын куугунтукталышы тууралуу бардык айыптарды кескин четке каккан.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG