Линктер

ЧУКУЛ КАБАР!
1-Март, 2021 дүйшөмбү, Бишкек убактысы 22:18

Артыкбаев менен Сатыбалдиевдин иши боюнча тергөө аяктады


Жантөрө Сатыбалдиев.

Осмонбек Артыкбаев менен Жантөрө Сатыбалдиевге козголгон кылмыш иштери боюнча тергөө аяктады. Бул тууралуу "Азаттыкка" Улуттук коопсуздук боюнча мамлекеттик комитеттин (УКМК) басма сөз катчысы Рахат Сулайманов билдирди. Анын айтымында, экөөнө тең Кылмыш-жаза кодексинин 303-беренеси ("Коррупция") менен расмий айып угузулду. Азыр адвокаттар иштин материалдары менен таанышып жатышат.

Мурдагы энергетика министри, КСДП фракциясынын депутаты Осмонбек Артыкбаев "Бишкек Жылуулук электр борборун (ЖЭБ) модернизациялоо" долбоорундагы коррупцияга байланыштуу айыпталып, былтыр 6-июнда УКМКнын тергөө абагына камалган. Башкы прокуратура аны "2013-жылы энергетика жана өнөр жай министри болуп турганда Кытайдын ТВЕА компаниясы менен Бишкек ЖЭБин 386 миллион долларга модернизациялоо тууралуу Кыргызстанга ыңгайсыз шарттагы келишим түзгөн" деп айыптаган. Ал ден соолугуна байланыштуу декабрдын башында абактан ооруканага которулган.

Ал эми мурдагы премьер-министр Жантөрө Сатыбалдиев былтыр 18-июнда кармалган. Ага карата Бишкек ЖЭБин модернизация кылуудагы мыйзам бузулган учурлар боюнча козголгон кылмыш ишинин алкагында, “Коррупция” беренеси менен айып коюлган. (КЕ/NT)

Пикирлерди көрүңүз (17)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG